 |
| མོན་ཏྲུའི་རེའི་གནམ་ཐང་ནས་བླངས་པའི་འདྲ་པར། |
ཟིལ་དཀར་རིན་པོ་ཆེ་ནི་རྒྱ་གར་ལ་སྐུ་འཁྲུངས་ཤིང་སེ་ར་ནས་ཐོས་བསམ་སློབ་གཉེར་གནང་ནས་མདོ་སྔགས་རིག་གཞུང་དང་བཅས་པར་ཐོས་བསམ་དཔྱིས་ཕྱིན་པར་གནང་བའི་དགེ་བཤེས་ལྷ་རམས་པ་ཡིན་པ་མ་ཟད་ཁམས་ཁྲི་འདུ་ཉ་མཚོ་ཟིལ་དཀར་དགོན་པའི་བསྟན་བདག་སྤྲུལ་སྐུ་ཞིག་ཀྱང་ཡིན། རིན་པོ་ཆེ་ནི་ཕལ་ཆེར་ལོ་བཅུ་གྲངས་སྔོན་ནས་རྒྱ་གར་རྡ་རམ་ས་ནས་སྐྱབས་མགོན་རིན་པོ་ཆེའི་གསུངས་ཆོས་ཀྱི་ཆོས་གྲལ་ནས་ངོ་ཤེས་དེ་ནས་བཟུང་ད་བར་དགེ་ལུགས་པའི་བླ་མ་དགེ་བཤེས་རྣམས་ཀྱི་ནང་ནས་ངོས་ཀྱི་དགའ་མོས་ཆེ་ཤོས་བྱེད་ཡུལ་དེ་ཡིན་ཟེར་ཀྱང་མི་ཆོག་རྒྱུ་གང་མེད། སང་ཉིན་ནས་བཟུང་སྟེ་སྐྱབས་མགོན་ཐམས་ཅད་མཁྱེན་པའི་གསུང་ཆོས་ལ་འགྲོ་ནས་ཉིན་རེ་བཞིན་གནས་ཚུལ་རྣམས་གུས་པས་ཉིན་ཐོ་མུ་མཐུད་ནས་འགོད་རྒྱུ་ཡིན་པས་དེ་ལུགས་ཞུ།
No comments:
Post a Comment