དེ་རིང་ངས་ཆོས་དང་འཇིག་རྟེན་གང་གི་སྐབས་སུ་ཡིན་ནའང་སྤྱི་ཚོགས་ཉིན་རེའི་འཚོ་བའི་ཁྲོད་དུ་གདེང་ཚོད་འདི་ཧ་ཅང་གལ་ཆེན་པོ་ཞིག་མཐོང་གི་ཡོད་པས་དེའི་སྐོར་ཉིན་ཐོ་མདོར་བསྡུས་ཤིག་འབྲི་འདོད་བྱུང།
ནང་ཆོས་ཀྱི་ནང་ནས་རང་ཁེ་གཞན་ཕམ་གྱི་ཆེད་དུ་གཞན་ལ་བརྙས་བཅོས་དང་། ཐུབ་ཚོད། ཕྲག་དོག། ང་རྒྱལ་སོགས་སྤང་དགོས་ཞེས་བཤད་པ་མ་གཏོགས་ཆོས་དང་འཇིག་རྟེན་གང་གི་སྐབས་སུ་ཡིན་ནའང་རང་གཞན་གཉིས་ཀའི་དོན་བྱ་བ་གང་ཞིག་ལ་འཇུག་པའི་སྐབས་སུ། གདེང་ཚོད་དམ་སྤོབས་པ་བྱེད་མི་ཉན་ཅེས་ཡང་དག་པའི་གཞུང་ལུགས་ཀྱི་ནང་དུ་གསུང་མེད་ཅིང་ཚད་ལྡན་གྱི་བླ་མ་སུས་ཀྱང་གསུང་མྱོང་མེད། ང་རྒྱལ་དང་། སྤོབས་པ་གཉིས་ནི་ཐ་དད་ཡིན་ཅིང་ང་རྒྱལ་ནི་རིགས་དང་། ལང་ཚོ། ལོངས་སྤྱོད། ཡོན་ཏན་སོགས་ཅུང་ཟད་ལ་བརྟེན་ནས་རང་ཉིད་དངོས་ཡོད་གནས་ཚུལ་ལས་རྒལ་ནས་ང་ནི་འདི་དང་འདི་ལྟ་བུ་ཡིན་ནོ་བསམ་ནས་ངང་རྒྱལ་གྱིས་ཁེངས་པའི་ཉོན་མོངས་ཕྱོགས་ཀྱི་བློས་རང་ལས་དམན་པ། མཉམ་པོ། མཐོ་བ་སོགས་ལ་རིམ་གྱིས་གཞན་ལ་ཁྱད་གསོད་དང་། ཕྲག་དོག། འགྲན་སེམས་སོགས་ཉོན་མོངས་རྣམས་གཅིག་རྗེས་གཉིས་མཐུད་འདྲེན་ཡོང་གི་ཡོད།
སྤོབས་པ་དང་གདེང་ཚོད་ནི། སེམས་ཞུམ་པའམ་ལེ་ལོའི་གཉེན་པོར་འགྱུར་ཞིང་དེ་ནི་ཉོན་མོངས་ཀྱི་གཉེན་པོ་ལས་ཉོན་མོངས་དངོས་མིན། སྤོབས་པའི་ངོ་བོ་ནི་ཆོས་དང་འཇིག་རྟེན་གྱི་བྱ་ལས་གང་ཞིག་ཡིན་ཀྱང་ངས་མ་འགྲུབ་བར་དུ་ལས་ཀ་དེ་མི་བཏང་བསམ་པའི་དམ་བཅའ་དང་སྙིང་སྟོབས་གྱིས་དྲངས་པའི་སེམས་པ་ཞིག་ཡིན། བློ་དེ་ནི་ང་ཚོ་ལ་ཆེས་མེད་དུ་མི་རུང་བའི་བློ་ཞིག་ཀྱང་ཡིན།
ལྷག་པར་དུ་ནང་པའི་གསང་སྔགས་ཀྱི་ཆོས་ཉམས་ལེན་བྱེད་མཁན་ཞིག་ལ་མེད་དུ་མི་རུང་བ་ནི་སྒྲུབ་བསམ་པའི་སྤོབས་པ་དང་། འགྲུབ་ཐུབ་བསམ་པའི་རང་གིས་རང་ལ་གདེང་ཚོད་ཡོད་པ་དེ་ནི་ཧ་ཅང་གལ་ཆེན་པོ་རེད་འདུག།
དེང་སང་གི་དུས་ཚོད་ལ་གནའ་སྔ་མོ་ནང་བཞིན་སངས་རྒྱས་ཐུབ་པ་དང་། དགྲ་བཅོམ་པའི་གོ་འཕང་ཐོབ་མི་ཐུབ་ཅིང་། གལ་སྲིད་ཐོབ་ཀྱང་དེང་སང་གི་སྤྱི་ཚོགས་ཁྲོད་དུ་གོ་རྒྱུ་དང་ཚོར་རྒྱུ་གང་ཡང་མེད་པ་འདི་འཇམ་ཅག་གེར་ལྷག་བསྡད་ཡོད། དེ་ནི་གསང་སྔགས་ཀྱི་ཆོས་བསྒྲུབ་མཁན་རྣམས་ལ་གསང་སྔགས་ཀྱི་ནང་ནས་གསུང་པའི་ཁྱད་ཆོས་སྙིང་སྟོབས་དང་སྤོབས་པ་མེད་པའི་དབང་གིས་བྱུང་བ་རེད་བསམ།
སངས་རྒྱས་ཞལ་བཞུགས་པའི་དུས་སུ་ཆོས་ལ་ཡིད་ཆེས་དང་སྙིང་སྟོབས་ཆེ་བས་ཡིན་འགྲོ། གང་ལྟར་ཁོ་ཚོ་ལ་གདེང་ཚོད་སྤོབས་པ་ཆེན་པོ་ཡོད་པ་གསལ་པོར་མཐོང་ཐུབ། སྐབས་དེ་དུས་སངས་རྒྱས་ཀྱིས་བདེན་བཞིའི་ཆོས་གསུང་ཐེངས་རེར་སློབ་མ་མང་པོའི་རྒྱུན་ཞུགས་དང་། ཕྱིར་འོངས། ཕྱིར་མི་འོངས། དགྲ་བཅོམ་པ། འཕགས་པའི་གོ་འཕང་སོགས་འཐོབ་འགྲོ་གི་ཡོད། དེ་དང་ཆབས་ཅིག་སློབ་མས་ཀྱང་ངས་ད་ལྟ་རང་བདེན་པ་མཐོང་སོང་ཟེར་ནས་སངས་རྒྱས་ལ་ལམ་སང་ཞུ་ཕོད་ཀྱི་ཡོད། སློབ་མ་གཞན་གྱིས་ཀྱང་དེ་ལ་དང་ལེན་བྱེད་ནས་བདེན་པ་མཐོང་བའི་གདན་གྲལ་དུ་འཇོག་གི་ཡོད། དེང་སང་མི་ཞིག་ནས་བླ་མའི་ཆོས་གྲལ་དུ་ངས་ད་ལྟ་རང་བདེན་པ་མཐོང་སོང་ཟེར་ན་མི་རྣམས་ཀྱིས་དེ་ལ་ཡིད་ཆེས་བྱེད་དཀའ། སངས་རྒྱས་བཅོམ་ལྡན་འདས་ཐོག་མར་རྡོ་རྗེ་གདན་ལ་ཕེབས་ནས་བྱང་ཆུབ་ཤིང་དྲུང་དུ་མ་བཞུགས་པའི་གོང་དུ་དམ་བཅའ་འདི་ལྟར་གནང་བ་རེད། “ང་སྟན་འདིར་བསྡད་རྗེས་མངོན་པར་རྫོགས་པའི་སངས་མ་རྒྱས་ཀྱི་བར་དུ་ཤི་ནའང་སྟན་འདིར་ལྡང་གི་མིན།”ཅེས་གསུང་ནས་ཐུགས་ཐག་ཆོད་པོས་བཞུགས་པ་ཡང་ཁོང་ལ་རང་ཉིད་སངས་རྒྱས་ཐུབ་པའི་གདེང་ཚོད་དང་སྤོབས་པ་ཆེན་པོ་ཞིག་ཡོད་པའི་རྟགས་རེད།
བོད་ཀྱི་གྲུབ་ཐོབ་ཆེན་པོ་རྗེ་བཙུན་མི་ལ་རས་པ་དང་པོ་བྲག་ཕུག་ནང་དུ་འབྱོར་བ་དང་མཉམ་དུ་དམ་བཅའ་འདི་ལྟར་གནང་བ་རེད། “ང་སངས་མ་རྒྱས་ཀྱི་བར་དུ་ང་བྲག་ཕུག་འདིའི་ནང་ནས་ཕྱི་རོལ་དུ་དོན་གྱི་མིན།” ཅེས་གསུངས་ཤིང་མནའ་བསྐྱལ་ནས་དམ་བཅའ་གནང་བ་རེད། དེ་ཡང་རྗེ་བཙུན་མི་ལ་རས་པ་ལའང་སངས་རྒྱས་ཐོབ་པའི་གདེང་ཚོད་ཡོད་པའི་རྟགས་རེད། གང་ལྟར་ཀྱང་གདེང་ཚོད་དང་སྤོབས་པ་ཡོད་མེད་ནི་རང་གིས་རང་ལ་ཡིད་ཆེས་ཡོད་མེད་ཁོ་ན་ལ་ཐུག་འདུག ང་ཚོའི་ཆོས་དང་འཇིག་རྟེན་གྱི་ལས་ཀ་གང་འགོ་འཛུགས་བྱས་པ་ཡིན་ནའང་དང་པོ་ཉིད་ནས་སོ་སོའི་ལས་ཀ་དེ་མཐར་མ་ཕྱིན་བར་དུ་འགྲུབ་ཐུབ་པའི་གདེང་ཚོད་དང་སྤོབས་པ་མེད་པས་ལས་ཀ་མི་འགྲུབ་པ་རེད། གང་ལྟར་ཀྱང་གདེངས་ཚོད་ནི་ཡིད་ཆེས་དང་འབྲེལ་བ་ཡོད་པ་རེད་འདུག། དཔེར་ན་གསང་སྔགས་ཀྱི་རྒྱུད་དང་། མན་ངག་འགའ་ཤས་ཀྱི་ནང་དུ་གསང་སྔགས་ཀྱི་ཚིག་འདི་དང་སྔགས་འདི་ཉམས་ལེན་བྱས་པ་ཡིན་ན་མཚམས་མེད་ལྔ་བསགས་པའི་གང་ཟག་སྡིག་ཅན་སུ་འདྲ་ཞིག་ཡིན་ཀྱང་སྡིག་པ་འདག་པ་མ་ཟད་ཚེ་འདི་ལ་སངས་རྒྱས་ཀྱི་གོ་འཕང་འཐོབ་ཅེས་གསུང་ཀྱང། ང་ཚོ་མང་པོ་ཞིག་གིས་དེ་ནི་དགོས་པའི་དབང་གིས་གསུང་པ་ཡིན་ནམ། ཡང་ན་གང་ཟག་ཁྱད་པར་ཅན་ཞིག་ལ་གསུང་པ་ཡིན་པ་ལས་ང་ལྟ་བུ་སྡིག་ཅན་ཅི་ཡང་མི་ཤེས་མཁན་ཞིག་ལ་གསུང་ཡོད་རྒྱུ་མ་རེད་བསམ་ནས་རང་གིས་རང་ལ་བརྙས་བཅོས་བྱས་ནས་ཡིད་ཆེས་བརླག་བཅུག་པ་རེད།
ཤངས་པ་བཀའ་བརྒྱུད་ཀྱི་ཕྱག་ཆེན་གྱི་ཁྲིད་ཡིག་གི་ནང་དུ་འདི་ལྟར་གསུངས་ཡོད།
“སེམས་མ་བཅོས་པ་ངོ་བོ་སྟོང་པ་། རང་བཞིན་གསལ་བ། སྨྲ་བསམ་བརྗོད་པ་དང་བྲལ་བ་འདི་ཉིད་སྒོམ་ན་མཐར་སེམས་དེ་ཉིད་ཀྱིས་སངས་རྒྱས་ཀྱི་སར་བསྐྱེལ་འགྲོ།”
ཞེས་གསུང་ཡོད་ཀྱང་མི་རྣམས་ཀྱིས་དེ་ལ་ཡིད་མ་ཆེས་ནས་དེ་ལས་ལོགས་སུ་གྱུར་པ་ཞིག་ནས་སེམས་བཙལ་གྱི་ཡོད། ང་ཚོ་མང་པོ་ཞིག་ནས་ནམ་རྒྱུན་གནས་ལུགས་རྟོགས་པ་ལ་རེ་བ་དང་སྨོན་ལམ་བྱེད་ཀྱི་ཡོད་ཀྱང་རྟོགས་ཐུབ་པའི་གདེང་ཚོད་དང་སྤོབས་པ་དེ་ཙམ་མེད། གལ་སྲིད་རྟོགས་ཀྱང་ཡིད་ཆེས་མི་ཐུབ་པའི་དཀའ་ལས་ཡོད་པ་རེད། མི་ལ་རས་པའི་རྣམ་ཐར་ལ་བསམ་ན་སྐབས་དེ་དུས་མི་ལ་རས་པས་བོད་ལ་བླ་མ་མང་པོ་ཡོད་པ་ཤེས་ན་ཡང་། དམིགས་བསལ་མར་པ་ལ་དད་པ་ཆེན་པོ་བྱས་ནས་བླ་མར་བསྟེན་པ་དེ་མི་ལ་རས་པ་ལ་དགོས་པ་གཙོ་བོ་ནི་ལུས་རྟེན་འདི་ཉིད་ཀྱི་ཐོག་ནས་སངས་རྒྱས་ཀྱི་གོ་འཕང་འཐོབ་འདོད་ཀྱི་གདེང་ཚོད་ཆེན་པོ་ཡོད་པ་དེ་ཡིན། དེ་འདྲ་བའི་ཁག་ཁུར་བའམ་འགན་ལེན་བྱེད་ཐུབ་མཁན་དེ་སྐབས་དེ་དུས་མར་པ་མ་གཏོགས་བླ་མ་གཞན་མེད་པས་ཡིན་ས་རེད་དྲན། མི་ལས་མར་པ་ཐོག་མར་མཇལ་བའི་སྐབས་སུ་འདི་ལྟར་ཞུས་པ་རེད། “
ང་གཙང་ལ་སྟོོད་ནས་ཡོང་བའི་མི་སྡིག་ཆེན་ཞིག་ཡིན་ངས་མི་རྟ་སུམ་བཅུ་སོ་ལྔ་བསད་པ་ཡིན། འོན་ཀྱང་ངས་སྡིག་པ་ཚང་མ་སྦྱངས་ནས་ང་ཚེ་འདིར་སངས་རྒྱས་ཀྱི་གོ་འཕང་ཐོབ་འདོད་ཡོད་པས་ཁྱེད་ནས་ང་ལ་ཚེ་འདིར་སངས་རྒྱས་པའི་གདམས་ངག་གནང་རོགས།”
ཞེས་ཞུས་པ་རེད། མར་པས་མི་ལ་རས་པ་ལ་འདི་ལྟར་གསུངས།
“ང་ལ་ཚེ་གཅིག་ལ་སངས་རྒྱས་པའི་གདམས་ངག་ཡོད། མ་ཟད་ལས་དང་སྐལ་བ་དང་ལྡན་པའི་གང་ཟག་ཡོད་ན་ནངས་སྒོམ་ན་ནངས་ལ་སངས་རྒྱས། ནུབ་སྒོམ་ན་ནུབ་ལ་སངས་རྒྱས། སྐལ་ལྡན་ལས་འཕྲོ་ཅན་ཡིན་ན་སྒོམ་མི་དགོས་པར་ཐོས་པས་གྲོལ་བར་བྱེད་པའི་གདམས་ངག་ཡོད། ཡིན་ནའང་དེ་ལྟར་ཡོང་ཐུབ་མིན་ནི་ཁྱོད་རང་གི་བརྩོན་འགྲུས་ལ་རགས་ལས་ཡོད།”
ཅེས་གསུང་པ་རེད། སྐབས་དེ་དུས་མར་མི་བླ་སློབ་གཉིས་ཀ་སོ་སོ་བརྩོན་འགྲུས་དང་གདམས་ངག་ལ་ཡིད་ཆེས་དང་འགྲུབ་ཐུབ་པའི་གདེང་ཚོད་ཧ་ཅང་ཆེན་པོ་ཡིན་པའི་སྟབས་ཀྱིས་མི་ལ་རས་པས་ཚེ་སྟོད་དུ་བསགས་པའི་སྡིག་པ་ཡོངས་རྫོགས་ལྷག་མ་མེད་པར་སྦྱངས་ནས་སྐུ་ཚེའི་སྨད་ལ་སངས་རྒྱས་པ་རེད།
གང་ལྟར་ངས་བསམས་ན་ང་ཚོར་དེ་འདྲའི་གདེང་ཚོད་དང་སྤོབས་པ་མེད་པ་དེ་ནི་ནི་ང་ཚོར་ཡིད་ཆེས་བརྟན་པོ་མེད་པས་རེད་འདུག་བསམ། དང་པོ་རང་རྒྱུད་ལ་ཡིད་ཆེས་བརྟན་པོ་ཞིག་མེད་པ་དེས་ལས་ཀ་གང་ཞིག་ཡིན་ཀྱང་བརྩོན་འགྲུས་ཀྱིས་མཇུག་སྐྱོང་ཐུབ་ཀྱི་མེད། བརྩོན་འགྲུས་མེད་ན་ང་ཚོ་ཆོས་དང་འཇིག་རྟེན་ལས་ཀ་གང་ཞིག་ཡིན་ཀྱང་འགྲུབ་མི་ཐུབ་པ་རེད། རྒྱུ་མཚན་དེ་ཉིད་ཀྱི་དབང་གིས་ང་ཚོས་རང་ཉིད་ལ་བྱ་དངོས་གང་ཞིག་ལ་འཇུག་ཀྱང་དེ་འགྲུབ་ཐུབ་པའི་གདེང་ཚོད་དང་སྤོབས་པ་ཡོད་དགོས་པ་ཧ་ཅང་ཆེ། གསང་སྔགས་ཀྱི་གཞུང་རྣམས་སུ་ལྟ་སྒོམ་སྤྱོད་པའི་གདེང་དང་ལྡན་པ་ཞེས་ཡང་ནས་ཡང་དུ་གསུང་ཡོད། སྤྱིར་བཏང་ནང་པའི་ཆོས་གཞུང་རྣམས་སུ་དད་པ་གཙོ་བོ་ཡིན་ཅེས་གསུང་ཡང་དེ་དང་ཆབས་ཅིག་ཏུ་གདེང་ཚོད་དང་སྤོབས་པ་དེ་བས་ཀྱང་གལ་ཆེན་པོ་རེད་འདུག
བྱ་བ་གང་ཞིག་ལ་འཇུག་ཀྱང་མ་སྒྲུབ་པའི་སྔོན་དུ་དོན་ཚན་འདི་བཞི་པོ་ངེས་པར་དུ་ཚང་དགོས།
དང་པོ། བྱ་བ་དེ་རང་གི་མི་ཚེ་ལ་དགོས་མཁོ་དང་གལ་ཆེན་པོ་ཡིན་མིན་བརྟག་དཔྱད་བྱེད་པ།
གཉིས་པ། དེ་ལ་སྒྲུབ་འདོད་ཀྱི་མོས་པ་ཡོད་པ།
གསུམ་པ། ངས་བསྒྲུབ་ཐུབ་བསམ་པའི་སྤོབས་པ་དང་གདེང་ཚོད་ཡོད་པ།
བཞི་པ། བྱ་བ་དེ་མ་འགྲུབ་བར་དུ་མཚམས་མི་འཇོག་བསམ་པའི་དམ་བཅའ་བརྟན་པོ་ཡོད་པ་བཅས་འདི་བཞི་པོ་ངེས་པར་དུ་ཚང་དགོས།
དེ་སང་སྤྱི་ཚོགས་ཁྲོད་གཞོན་སྐྱེས་མང་པོ་ཞིག་ལ་མ་འོངས་པའི་ཕུག་རྒྱང་རིང་པོར་མི་ཚེར་འཆར་གཞི་གང་ཡང་མེད་ཅིང་ལས་ཀ་ཡིན་ཀྱང་ངེས་གཏན་མེད་པར་ལམ་སང་འགྱུར་བ་གཏོང་ཞིང་ངེས་གཏན་མེད་པའི་སྤྱི་ཚོགས་ཁྲོད་ནས་ངེས་གཏན་མེད་པའི་འཚོ་བ་བསྐྱལ་མཁན་མང་པོ་ཡོད།
གདེང་ཚོད་དང་སྤོབས་པ་ཡོད་ན་རང་གིས་ནུས་པ་ཡོད་ཚད་སྤྲུག་ནས་ནས་བརྩོན་འགྲུས་ཀྱང་བྱེད་ཐུབ་ཅིང་། བརྩོན་འགྲུས་བྱས་ན་དེའི་འབྲས་བུ་ཡང་ཡོད་པ་ནི་བཤད་མ་དགོས་པ་རེད། གང་ལྟར་ཀྱང་ཆོས་དང་འཇིག་རྟེན་གང་བྱས་ཀྱང་རང་གིས་རང་ལ་གདེང་ཚོད་སྤོབས་པ་ཡོད་རྒྱུ་དེ་གལ་གནད་ཆེན་པོ་རེད་འདུག
ནང་པའི་གསང་སྔགས་ཀྱི་གཞུང་ལུགས་རྣམས་སུ་དད་པ་དང་ལྡན་ཅིང་བློ་རྒྱ་ཆེ་བ་ནི་སློབ་མའི་ཆ་རྐྱེན་གཙོ་བོ་ཞིག་ལ་ངོས་འཛིན་བྱས་ཡོད། ཡང་གསང་སྔགས་ཀྱི་ཆོས་ལ་ཕན་ཡོན་དཔག་ཏུ་མེད་པ་ཡོད་ཚུལ་གསུང་ནས་མཐར་ཐེ་ཚོམ་དང་ལྡན་པ་ནི་མ་གཏོགས་སོ་ཞེས་གསུངས་ནས་ཐེ་ཚོམ་ཅན་གྱི་གང་ཟག་ལ་འབྲས་བུ་མེད་ཅེས་ཐག་བཅད་ཡོད།
འོ་ན་ནང་པའི་གསང་སྔགས་ཀྱི་གདེང་ཚོད་ཡིད་ཆེས་ཆེན་པོའི་སྒོ་ནས་ཉམས་སུ་ལེན་སྟངས་གང་འདྲ་བྱེད་དགོས་བསམ་ན། དཔེར་ན་སྤྱིར་བཏང་སྡིག་པ་སྦྱོང་བ་ལས་སླ་མོ་ཞིག་གཏན་ནས་མིན་ཀྱང་། སྔགས་ཀྱི་ནང་དུ་རྡོར་སེམས་སྒོམ་བཟླས་བྱེད་སྐབས་ཐོག་མར་རང་གི་སྤྱི་གཙུག་ཏུ་རྡོ་རྗེ་སེམས་དཔའ་བསྒོམས་ཤིང་། དེ་ནས་བསྙེན་པ་ཕྲེང་སྐོར་ཁ་ཤས་བཟླས། མཇུག་ཏུ་རྡོར་རྗེ་སེམས་དཔའི་ཞལ་ནས།
“རིགས་ཀྱི་བུའམ་རིགས་བུ་མོ་ཁྱེད་རྣམས་ཀྱི་སྡིག་སྒྲུབ་ཉེས་ལྟུང་ཐམས་ཅད་དག་པ་ཡིན་ནོ༏”
ཞེས་ཟེར་ནས་ཉིན་རེ་བཞིན་དུ་ང་ཚོའི་བོད་རིགས་རྣམས་ཀྱིས་ཆག་མེད་དུ་བགྲང་ནས་འདོན་བཞིན་པ་རེད། ཡིན་ནའང་མང་པོ་ཞིག་ནས་དུས་ཡུན་ཆུ་ཚོད་གཅིག་གི་རིང་ལ་རྡོར་སེམས་བསྙེན་པ་བརྒྱ་སྐོར་ཞིག་གིས་རང་གི་སྡིག་སྒྲིབ་ཡོངས་རྫོགས་དག་སོང་བསམ་པའི་ཡིད་ཆེས་ཕལ་ཆེར་ལ་མེད། དེ་བཞིན་དུ་དཔེར་ན་ཉི་ཟླ་སྒྲིབ་པ་དང་། ས་གཡོ་བ། དབྱར་དགུན་གྱི་ཉི་མ་ལྡོག་པའི་སྐབས་སུ་ཀུན་བཟང་སྨོན་ལམ་འདོན་ཅིང་སྨོན་ལམ་དེ་ལན་གཅིག་བར་མ་ཆད་པར་ཐོས་མཁན་རྣམས་སངས་རྒྱས་ཐུབ་གསུང་ཡོད་ཀྱང་དེ་ལའང་ང་ཚོ་ཡིད་ཆེས་དང་དོ་སྣང་དེ་ཙམ་བྱེད་ཀྱི་མེད། དེ་བཞིན་དུ་གསང་སྔགས་ཀྱི་དབང་ཞུ་དུས་བླ་མས་དབང་དོན་ངོ་སྤྲད་པའི་སྐབས་སུ་རང་ཉིད་ཀྱིས་སྟོང་ཉིད་ཀྱི་ལྟ་བ་ངོ་འཕྲོད་སོང་བསམ་དགོས་གསུང་ཡོད། ནང་པའི་གསང་སྔགས་ཀྱི་གནད་འགག་ཆེ་ཤོས་ནི་ཡིད་ཆེས་དང་། སྤོབས་པ། གདེང་ཚོད་བཅས་ཡིན་ནོ།
མདོར་ན་གདེང་ཚོད་དང་སྤོབས་པ་ནི་ནང་པའི་གསང་སྔགས་ཀྱི་ཉམས་ལེན་བྱེད་མཁན་ཞིག་ལ་མེད་དུ་མི་རུང་བའི་གནད་འགག་གལ་ཆེ་ཤོས་ཤིག་ཡིན། བཤད་སྲོལ་ལ་རྒྱུ་ལམ་དུ་བྱེད་པ་ནི་མདོ་དང་། འབྲས་བུ་ལམ་དུ་བྱེད་པ་ནི་སྔགས་ཞེས་གསུང་ཡོད་པ་རེད། དེའི་དོན་དཔེར་ན་བྱང་ཆུབ་སེམས་བསྐྱེད་ལྟ་བུར་མཚོན་ནས་བཤད་ན། མདོ་ལུགས་ལྟར་བྱང་ཆུབ་ཀྱི་སེམས་བསྐྱེད་པའི་སྐབས་སུ་ངས་བྱང་ཆུབ་ཀྱི་སེམས་བསྐྱེད་ཀྱི་ཡིན་དྲན་ནས་རྒྱུ་མཚན་མང་པོ་དཔེར་ན་མར་ཤེས། དྲིན་དྲན། དྲན་བཟོ། བྱམས་པ། སྙིང་རྗེ་སོགས་ལ་རིམ་གྱིས་བློ་སྦྱངས་ནས་བསྐྱེད་དགོས་པ་ཞིག་རེད། སེམས་བསྐྱེད་ཐུབ་མིན་ཀྱང་བཤད་ཁག་པོ་རེད། ཡིན་ན་ཡང་གསང་སྔགས་ཀྱི་བསྐྱེད་རྫོགས་ཀྱི་ཉམས་ལེན་བྱེད་པའི་སྐབས་སུ་རང་ཉིད་སོ་སོའི་སྐྱེ་བོ་ཡིན་ཀྱང་སྐབས་དེ་དུས་རང་ཉིད་ལྷ་ཡི་ངོ་བོར་བསྐྱེད་ནས་ཐུགས་ཀ་ནས་འོད་ཟེར་ཁ་དོག་སྣ་ཚོགས་འཕྲོས་ནས་སེམས་ཅན་གྱི་དོན་བྱེད་པ་དང་། ཡིག་དྲུག་དང་ཨོཾ་ཨཱ༔ཧཱུཾ་སོགས་ལ་བརྟེན་ནས་རིགས་དྲུག་གནས་སྦྱང་བྱེད་པ་སོགས་བྱེད་ཀྱི་ཡོད། སྐབས་དེ་དུས་རང་ཉིད་གང་ཡང་མི་ཤེས་མཁན་སོ་སྐྱེ་ཞིག་ཡིན་ཀྱང་འབྲས་བུ་སངས་རྒྱས་ཀྱི་ཆོས་ཉམས་ལེན་བྱེད་ཀྱི་ཡོད་པ་རེད་དེ་དུས་ང་གང་ཡང་མི་ཤེས་མཁན་ཞིག་ཡིན་སེམས་ཅན་གྱི་དོན་བྱེད་ཐུབ་ཀྱི་ཡོད་དམ་བསམ་ནས་ཐེ་ཚོམ་ཟ་མི་ཉན་པ་རེད། ངས་བསམ་ན་གདེང་ཚོད་དང་སྤོབས་པའི་བསམ་བློ་འདིས་མི་ཚེའི་རྒྱུད་རིམ་ལ་ཁྱད་པར་ཆེན་པོ་ཡོང་གི་ཡོད་ས་རེད་དྲན་གྱི་འདུག དཔེར་ན་ང་ཚོའི་དུས་རྒྱུན་འཚོ་བའི་ཁྲོད་དུ་ངས་སེམས་སྐྱིད་པོ་བྱེད་ཀྱི་ཡིན་ཟེར་ནས་སེམས་སྡུག་པོ་ལས་ལོགས་སུ་གྱུར་པ་ག་ཤེད་ཅིག་ནས་སེམས་སྐྱིད་པོ་ཞིག་བཟོ་བའི་ཐབས་ཤེས་བྱས་ན་སེམས་དེ་དུས་ནམ་ཡང་སྐྱིད་པོ་བཟོ་མི་ཐུབ། དེ་ལས་ང་རང་གི་ལུས་སེམས་ཀྱི་གནས་སྟངས་ཇི་ལྟར་ཞན་ཀྱང་སྡུག་པོའི་སེམས་དེ་སྤངས་མ་དགོས། སྐྱིད་པོའི་སེམས་གཞན་ནས་བཙལ་མ་དགོས་ལུས་སེམས་དེའི་ཐོག་ནས་ད་ང་སྐྱིད་པོ་རེད་འདུག་བསམ་པའི་བློ་ཞིག་ནམ་རྙེད་ན་ཁྱོད་རང་གི་སྐྱིད་པོའི་ཉིན་མོ་དེ་ནས་རྙེད་པ་རེད། སྤྱིར་བཏང་སེམས་པ་མ་སྐྱིད་པ་ལ་རྒྱུ་རྐྱེན་མང་པོ་ཡོད་ཀྱང་དེ་ཡང་གཙོ་བོ་རང་གིས་རང་ལ་ཡིད་ཆེས་རླག་པ་དང་། གདེང་ཚོད་དང་སྤོབས་པས་མ་འདང་བ། སེམས་བློ་རྒྱ་ཆུང་དྲགས་པའི་དབང་གིས་བྱུང་བ་རེད། དེང་སང་སྨན་པ་ཚོས་བཤད་པ་ལྟར་བྱས་ན། ནད་པ་ཞིག་ལ་སོ་སོའི་ནད་དྲག་ཐུབ་བསམ་པའི་རང་ཉིད་ཀྱི་སེམས་ལ་གདེང་ཚོད་དང་། སྨན་པ་ལ་ཡིད་ཆེས་ཆེ་ཆུང་གི་དབང་གིས་ནད་པའི་ན་ཚ་དྲག་མིན་ལ་ཕན་གནོད་ཆེན་པོ་ཡོད་རབ་བཤད་སྲོལ་འདུག
ང་ཚོའི་རྒྱུན་ལྡན་གྱི་འཚོ་བའི་ནང་དུ་ཡང་གདེང་ཚོད་དང་སྤོབས་པ་ཡོད་མེད་ཀྱི་དབང་གིས་ནང་ཆོས་ཉམས་ལེན་བྱེད་སྐབས་སུ་ཡང་ཁྱད་པར་ཧ་ཅང་ཆེན་པོ་ཡོད་དོ། དེ་ནི་ལུས་ཡིན་ཏེ་ནང་ཆོས་ནང་ནས་ཐེག་པ་ཆེ་ཆུང་སེམས་བསྐྱེད་ཀྱི་ཁྱད་ཅེས་སེམས་བསྐྱེད་ཆེ་ཆུང་ཟེར་བ་ནི་དོན་དུ་སྙིང་སྟོབས་དང་། གདེང་ཚོད། སྤོབས་པ་ཆེ་ཆུང་སོགས་ལ་འཇོག་དགོས་པ་རེད། གསང་སྔགས་ཀྱི་ཆོས་ཉམས་ལེན་བྱེད་སྐབས་སུ་ཡང་ཡི་དམ་གང་དང་གང་སྒོམ་ཡང་ང་ཡི་དམ་དེ་ལྟར་གྱུར་སོང་བསམ་ནས་ཐག་བཅད་དགོས་པ་ལས་ང་དེ་ཡི་དམ་དེ་དང་དེ་ལྟ་བུར་འགྱུར་བར་ཤོག་ཟེར་ནས་མིག་བཙུམ་ནས་སྨོན་ལམ་རྒྱག་གི་མེད། ངས་དེ་རིང་གདེང་ཚོད་དང་སྤོབས་པའི་སྐོར་བཤད་དུས་འགའ་ཤས་ཤིག་ནས་དེ་ཙམ་གལ་ཆེན་པོ་མཐོང་མི་སྲིད་ཀྱང་ངས་བསམ་ན་ང་ཚོའི་དེང་སང་སྤྱི་ཚོགས་སུ་མི་མང་པོ་ཞིག་ངན་ཕྱོགས་ལ་མཐའ་གཅིག་ཏུ་ཡིད་ཆེས་ཆེ་དྲག་པ་དང་དེའི་ལམ་དུ་འགྲོ་མཁན་ཉིན་རེ་བཞིན་ཇེ་མང་དུ་འགྲོ་ཞིང་། བཟང་ཕྱོགས་ལ་གལ་ཆེན་དུ་འཛིན་ནས་དེ་ལ་གདེང་འཇོག་དང་སྤོབས་པ་སོགས་ཆུང་དྲག་པའི་དབང་གིས་སྤྱི་ཚོགས་འདི་མཐའ་གཅིག་ཏུ་ངན་ཕྱོགས་སུ་འགྲོ་ནས་འགྲོ་མུས་ཡིན་པ་རེད།
འདིར་ངས་དངོས་ཡོད་གནས་ཚུལ་གང་བྱུང་བའི་སྒྲུང་ཐུང་ཞིག་བཤད་འདོད་བྱུང་། ལོ་འགའ་ཡི་གོང་ནས་རྒྱ་གར་རྡ་རམ་ས་ལར་བཞུགས་མཁན་ངོས་ཀྱི་ངོ་ཤེས་གྲྭ་ལོག་ལོ་ལོན་ཞིག་དང་ལྷན་དུ་སྐྱབས་མགོན་རིན་པོ་ཆེའི་ཕོ་བྲང་ལ་སྐོར་བ་ལ་མཉམ་དུ་སོང་། སྐོར་ལམ་ནང་ནས་ཕན་ཚུན་ཁ་བརྡ་བྱས། ངེད་གཉིས་སྐད་ཆ་མང་པོ་བཤད་པའི་རྒྱུད་རིམ་ཁྲོད་ནས་ཁོང་ནས་འདི་ལྟར་ཟེར།
“ཉིན་རྟག་པར་གཙུག་ལག་ཁང་དུ་སྐོར་བ་ཐེངས་མ་འགའ་ཤས་བརྒྱབ་ཀྱི་ཡོད། འོན་ཀྱང་ངས་སྡིག་པ་མང་པོ་བསགས་ཡོད་པས་སྡིག་པ་འདག་ཐུབ་མིན་མི་ཤེས་ཏེ་དེ་རིང་ཡང་སྐོར་བ་ལ་ཡོང་བ་ཡིན།”
ཅེས་ཟེར། ངས་ཁོ་རང་ལ་ལན་འདི་ལྟར་བཏབས།
“ཁྱོད་རང་གི་སྡིག་པ་ལ་མི་དགེ་བ་ལ་ཉེས་པ་ཆེན་པོ་ཡོད་པ་ཡིད་ཆེས་ཡོད་ན་སྡིག་པ་དེ་ཡི་གཉེན་པོ་གཙུག་ལག་ཁང་དུ་སྐོར་བ་བྱས་པ་ལ་སྡིག་པ་འདག་ནུས་པའི་ཡིད་ཆེས་མེད་པ་གང་འདྲ་བྱས་ནས་བྱུང་བ་རེད།”
ཅེས་དྲིས་དུས་ཁོ་རང་ནས་ཅི་ཡང་ཟེར་གྱི་མི་འདུག དེ་ནས་ངས་ཁོ་རང་ལ་སྐོར་བའི་ཕན་ཡོན་སྐོར་བསྡུས་ཙམ་ཞིག་བཤད་པ་ཡིན་པས་ཁོ་རང་ཧ་ཅང་དགའ་བོ་བྱས་སོང་། གཅིག་བྱས་ན་སོ་སོའི་སྡིག་པ་བསགས་ཚར་དུས་སྡིག་པ་ལ་སྡིག་པར་ངོས་འཛིན་བྱེད་ནས་འགྱོད་པ་སྐྱེས་ན་སྡིག་པ་དེ་ཉིད་ཀྱང་དགེ་བར་འགྱུར་འགྲོ་བས་དེ་ནི་ཧ་ཅང་ཡག་པོ་ཞིག་རེད། འོན་ཀྱང་དགེ་སྡིག་གི་འབྲས་བུའི་ས་བོན་གྱི་ཆ་རྣམས་སེམས་ཀྱི་བག་ཆག་ཐོག་ཏུ་འཇོག་དགོས་སྟབས་དེ་ནི་ཤིན་ཏུ་ལྐོག་གྱུར་གྱི་གནས་ལུགས་ཤིག་ཡིན། གང་ལྟར་ངན་ཕྱོགས་ཀྱི་སྡིག་པ་ལ་དམྱལ་བར་འཕེན་ཐུབ་པའི་ནུས་པ་ཡོད་པའི་ཡིད་ཆེས་ཡོད་ན། དེ་འདག་བྱེད་ཀྱི་གཉེན་པོ་དགེ་བ་ལའང་དག་པའི་ཞིང་དུ་འཕེན་ཐུབ་མཁན་གྱི་ནུས་པ་ཡོད་པར་ངོས་ལེན་བྱེད་མི་ཐུབ་པ་དེ་ངས་གོང་དུ་བཤད་པ་ལྟར་དེང་སང་སྤྱི་ཚོགས་ཁྲོད་དུ་ངན་ཕྱོགས་ལ་ཡིད་ཆེས་ལས་བཟང་ཕྱོགས་ལ་ཡིད་ཆེས་དེ་ཙམ་མེད་ནས་བྱུང་བ་ཞིག་རེད། ཕྱོགས་གཞན་ཞིག་ནས་བཤད་ན་སྡིག་པའི་སྟོབས་ཀྱིས་དམྱལ་བར་སྐྱེ་བ་ལས་སླ་མོ་ཡིན་རྒྱུ་མ་རེད་ལ། དགེ་བའི་སྟོབས་ཀྱིས་ཞིང་ཁམས་སུ་སྐྱེ་བའང་དེ་བས་ལས་སླ་བོ་ཞིག་ཡིན་རྒྱུ་མ་རེད། གང་ལྟར་ང་ཚོ་ག་དུས་ཡིན་ཀྱང་རྟག་པར་དམྱལ་བ་ལ་སྐྱེ་ཆོག་ཆོག་ལྟ་བུ་ངན་པའི་ཕྱོགས་ལ་ཡིད་ཆེས་མང་བ་ཡོད་རེད།
གདེང་ཚོད་དང་སྤོབས་པ་ཡོད་ན་རང་གིས་ནུས་པ་ཡོད་ཚད་སྤྲུག་ནས་ནས་བརྩོན་འགྲུས་ཀྱང་བྱེད་ཐུབ་ཅིང་། བརྩོན་འགྲུས་བྱས་ན་དེའི་འབྲས་བུ་ཡང་ཡོད་པ་ནི་བཤད་མ་དགོས་པ་རེད། གང་ལྟར་ཀྱང་ཆོས་དང་འཇིག་རྟེན་གང་བྱས་ཀྱང་རང་གིས་རང་ལ་གདེང་ཚོད་སྤོབས་པ་ཡོད་རྒྱུ་དེ་གལ་གནད་ཆེན་པོ་རེད་འདུག
ནང་པའི་གསང་སྔགས་ཀྱི་གཞུང་ལུགས་རྣམས་སུ་དད་པ་དང་ལྡན་ཅིང་བློ་རྒྱ་ཆེ་བ་ནི་སློབ་མའི་ཆ་རྐྱེན་གཙོ་བོ་ཞིག་ལ་ངོས་འཛིན་བྱས་ཡོད། ཡང་གསང་སྔགས་ཀྱི་ཆོས་ལ་ཕན་ཡོན་དཔག་ཏུ་མེད་པ་ཡོད་ཚུལ་གསུང་ནས་མཐར་ཐེ་ཚོམ་དང་ལྡན་པ་ནི་མ་གཏོགས་སོ་ཞེས་གསུངས་ནས་ཐེ་ཚོམ་ཅན་གྱི་གང་ཟག་ལ་འབྲས་བུ་མེད་ཅེས་ཐག་བཅད་ཡོད།
འོ་ན་ནང་པའི་གསང་སྔགས་ཀྱི་གདེང་ཚོད་ཡིད་ཆེས་ཆེན་པོའི་སྒོ་ནས་ཉམས་སུ་ལེན་སྟངས་གང་འདྲ་བྱེད་དགོས་བསམ་ན། དཔེར་ན་སྤྱིར་བཏང་སྡིག་པ་སྦྱོང་བ་ལས་སླ་མོ་ཞིག་གཏན་ནས་མིན་ཀྱང་། སྔགས་ཀྱི་ནང་དུ་རྡོར་སེམས་སྒོམ་བཟླས་བྱེད་སྐབས་ཐོག་མར་རང་གི་སྤྱི་གཙུག་ཏུ་རྡོ་རྗེ་སེམས་དཔའ་བསྒོམས་ཤིང་། དེ་ནས་བསྙེན་པ་ཕྲེང་སྐོར་ཁ་ཤས་བཟླས། མཇུག་ཏུ་རྡོར་རྗེ་སེམས་དཔའི་ཞལ་ནས།
“རིགས་ཀྱི་བུའམ་རིགས་བུ་མོ་ཁྱེད་རྣམས་ཀྱི་སྡིག་སྒྲུབ་ཉེས་ལྟུང་ཐམས་ཅད་དག་པ་ཡིན་ནོ༏”
ཞེས་ཟེར་ནས་ཉིན་རེ་བཞིན་དུ་ང་ཚོའི་བོད་རིགས་རྣམས་ཀྱིས་ཆག་མེད་དུ་བགྲང་ནས་འདོན་བཞིན་པ་རེད། ཡིན་ནའང་མང་པོ་ཞིག་ནས་དུས་ཡུན་ཆུ་ཚོད་གཅིག་གི་རིང་ལ་རྡོར་སེམས་བསྙེན་པ་བརྒྱ་སྐོར་ཞིག་གིས་རང་གི་སྡིག་སྒྲིབ་ཡོངས་རྫོགས་དག་སོང་བསམ་པའི་ཡིད་ཆེས་ཕལ་ཆེར་ལ་མེད། དེ་བཞིན་དུ་དཔེར་ན་ཉི་ཟླ་སྒྲིབ་པ་དང་། ས་གཡོ་བ། དབྱར་དགུན་གྱི་ཉི་མ་ལྡོག་པའི་སྐབས་སུ་ཀུན་བཟང་སྨོན་ལམ་འདོན་ཅིང་སྨོན་ལམ་དེ་ལན་གཅིག་བར་མ་ཆད་པར་ཐོས་མཁན་རྣམས་སངས་རྒྱས་ཐུབ་གསུང་ཡོད་ཀྱང་དེ་ལའང་ང་ཚོ་ཡིད་ཆེས་དང་དོ་སྣང་དེ་ཙམ་བྱེད་ཀྱི་མེད། དེ་བཞིན་དུ་གསང་སྔགས་ཀྱི་དབང་ཞུ་དུས་བླ་མས་དབང་དོན་ངོ་སྤྲད་པའི་སྐབས་སུ་རང་ཉིད་ཀྱིས་སྟོང་ཉིད་ཀྱི་ལྟ་བ་ངོ་འཕྲོད་སོང་བསམ་དགོས་གསུང་ཡོད། ནང་པའི་གསང་སྔགས་ཀྱི་གནད་འགག་ཆེ་ཤོས་ནི་ཡིད་ཆེས་དང་། སྤོབས་པ། གདེང་ཚོད་བཅས་ཡིན་ནོ།
མདོར་ན་གདེང་ཚོད་དང་སྤོབས་པ་ནི་ནང་པའི་གསང་སྔགས་ཀྱི་ཉམས་ལེན་བྱེད་མཁན་ཞིག་ལ་མེད་དུ་མི་རུང་བའི་གནད་འགག་གལ་ཆེ་ཤོས་ཤིག་ཡིན། བཤད་སྲོལ་ལ་རྒྱུ་ལམ་དུ་བྱེད་པ་ནི་མདོ་དང་། འབྲས་བུ་ལམ་དུ་བྱེད་པ་ནི་སྔགས་ཞེས་གསུང་ཡོད་པ་རེད། དེའི་དོན་དཔེར་ན་བྱང་ཆུབ་སེམས་བསྐྱེད་ལྟ་བུར་མཚོན་ནས་བཤད་ན། མདོ་ལུགས་ལྟར་བྱང་ཆུབ་ཀྱི་སེམས་བསྐྱེད་པའི་སྐབས་སུ་ངས་བྱང་ཆུབ་ཀྱི་སེམས་བསྐྱེད་ཀྱི་ཡིན་དྲན་ནས་རྒྱུ་མཚན་མང་པོ་དཔེར་ན་མར་ཤེས། དྲིན་དྲན། དྲན་བཟོ། བྱམས་པ། སྙིང་རྗེ་སོགས་ལ་རིམ་གྱིས་བློ་སྦྱངས་ནས་བསྐྱེད་དགོས་པ་ཞིག་རེད། སེམས་བསྐྱེད་ཐུབ་མིན་ཀྱང་བཤད་ཁག་པོ་རེད། ཡིན་ན་ཡང་གསང་སྔགས་ཀྱི་བསྐྱེད་རྫོགས་ཀྱི་ཉམས་ལེན་བྱེད་པའི་སྐབས་སུ་རང་ཉིད་སོ་སོའི་སྐྱེ་བོ་ཡིན་ཀྱང་སྐབས་དེ་དུས་རང་ཉིད་ལྷ་ཡི་ངོ་བོར་བསྐྱེད་ནས་ཐུགས་ཀ་ནས་འོད་ཟེར་ཁ་དོག་སྣ་ཚོགས་འཕྲོས་ནས་སེམས་ཅན་གྱི་དོན་བྱེད་པ་དང་། ཡིག་དྲུག་དང་ཨོཾ་ཨཱ༔ཧཱུཾ་སོགས་ལ་བརྟེན་ནས་རིགས་དྲུག་གནས་སྦྱང་བྱེད་པ་སོགས་བྱེད་ཀྱི་ཡོད། སྐབས་དེ་དུས་རང་ཉིད་གང་ཡང་མི་ཤེས་མཁན་སོ་སྐྱེ་ཞིག་ཡིན་ཀྱང་འབྲས་བུ་སངས་རྒྱས་ཀྱི་ཆོས་ཉམས་ལེན་བྱེད་ཀྱི་ཡོད་པ་རེད་དེ་དུས་ང་གང་ཡང་མི་ཤེས་མཁན་ཞིག་ཡིན་སེམས་ཅན་གྱི་དོན་བྱེད་ཐུབ་ཀྱི་ཡོད་དམ་བསམ་ནས་ཐེ་ཚོམ་ཟ་མི་ཉན་པ་རེད། ངས་བསམ་ན་གདེང་ཚོད་དང་སྤོབས་པའི་བསམ་བློ་འདིས་མི་ཚེའི་རྒྱུད་རིམ་ལ་ཁྱད་པར་ཆེན་པོ་ཡོང་གི་ཡོད་ས་རེད་དྲན་གྱི་འདུག དཔེར་ན་ང་ཚོའི་དུས་རྒྱུན་འཚོ་བའི་ཁྲོད་དུ་ངས་སེམས་སྐྱིད་པོ་བྱེད་ཀྱི་ཡིན་ཟེར་ནས་སེམས་སྡུག་པོ་ལས་ལོགས་སུ་གྱུར་པ་ག་ཤེད་ཅིག་ནས་སེམས་སྐྱིད་པོ་ཞིག་བཟོ་བའི་ཐབས་ཤེས་བྱས་ན་སེམས་དེ་དུས་ནམ་ཡང་སྐྱིད་པོ་བཟོ་མི་ཐུབ། དེ་ལས་ང་རང་གི་ལུས་སེམས་ཀྱི་གནས་སྟངས་ཇི་ལྟར་ཞན་ཀྱང་སྡུག་པོའི་སེམས་དེ་སྤངས་མ་དགོས། སྐྱིད་པོའི་སེམས་གཞན་ནས་བཙལ་མ་དགོས་ལུས་སེམས་དེའི་ཐོག་ནས་ད་ང་སྐྱིད་པོ་རེད་འདུག་བསམ་པའི་བློ་ཞིག་ནམ་རྙེད་ན་ཁྱོད་རང་གི་སྐྱིད་པོའི་ཉིན་མོ་དེ་ནས་རྙེད་པ་རེད། སྤྱིར་བཏང་སེམས་པ་མ་སྐྱིད་པ་ལ་རྒྱུ་རྐྱེན་མང་པོ་ཡོད་ཀྱང་དེ་ཡང་གཙོ་བོ་རང་གིས་རང་ལ་ཡིད་ཆེས་རླག་པ་དང་། གདེང་ཚོད་དང་སྤོབས་པས་མ་འདང་བ། སེམས་བློ་རྒྱ་ཆུང་དྲགས་པའི་དབང་གིས་བྱུང་བ་རེད། དེང་སང་སྨན་པ་ཚོས་བཤད་པ་ལྟར་བྱས་ན། ནད་པ་ཞིག་ལ་སོ་སོའི་ནད་དྲག་ཐུབ་བསམ་པའི་རང་ཉིད་ཀྱི་སེམས་ལ་གདེང་ཚོད་དང་། སྨན་པ་ལ་ཡིད་ཆེས་ཆེ་ཆུང་གི་དབང་གིས་ནད་པའི་ན་ཚ་དྲག་མིན་ལ་ཕན་གནོད་ཆེན་པོ་ཡོད་རབ་བཤད་སྲོལ་འདུག
ང་ཚོའི་རྒྱུན་ལྡན་གྱི་འཚོ་བའི་ནང་དུ་ཡང་གདེང་ཚོད་དང་སྤོབས་པ་ཡོད་མེད་ཀྱི་དབང་གིས་ནང་ཆོས་ཉམས་ལེན་བྱེད་སྐབས་སུ་ཡང་ཁྱད་པར་ཧ་ཅང་ཆེན་པོ་ཡོད་དོ། དེ་ནི་ལུས་ཡིན་ཏེ་ནང་ཆོས་ནང་ནས་ཐེག་པ་ཆེ་ཆུང་སེམས་བསྐྱེད་ཀྱི་ཁྱད་ཅེས་སེམས་བསྐྱེད་ཆེ་ཆུང་ཟེར་བ་ནི་དོན་དུ་སྙིང་སྟོབས་དང་། གདེང་ཚོད། སྤོབས་པ་ཆེ་ཆུང་སོགས་ལ་འཇོག་དགོས་པ་རེད། གསང་སྔགས་ཀྱི་ཆོས་ཉམས་ལེན་བྱེད་སྐབས་སུ་ཡང་ཡི་དམ་གང་དང་གང་སྒོམ་ཡང་ང་ཡི་དམ་དེ་ལྟར་གྱུར་སོང་བསམ་ནས་ཐག་བཅད་དགོས་པ་ལས་ང་དེ་ཡི་དམ་དེ་དང་དེ་ལྟ་བུར་འགྱུར་བར་ཤོག་ཟེར་ནས་མིག་བཙུམ་ནས་སྨོན་ལམ་རྒྱག་གི་མེད། ངས་དེ་རིང་གདེང་ཚོད་དང་སྤོབས་པའི་སྐོར་བཤད་དུས་འགའ་ཤས་ཤིག་ནས་དེ་ཙམ་གལ་ཆེན་པོ་མཐོང་མི་སྲིད་ཀྱང་ངས་བསམ་ན་ང་ཚོའི་དེང་སང་སྤྱི་ཚོགས་སུ་མི་མང་པོ་ཞིག་ངན་ཕྱོགས་ལ་མཐའ་གཅིག་ཏུ་ཡིད་ཆེས་ཆེ་དྲག་པ་དང་དེའི་ལམ་དུ་འགྲོ་མཁན་ཉིན་རེ་བཞིན་ཇེ་མང་དུ་འགྲོ་ཞིང་། བཟང་ཕྱོགས་ལ་གལ་ཆེན་དུ་འཛིན་ནས་དེ་ལ་གདེང་འཇོག་དང་སྤོབས་པ་སོགས་ཆུང་དྲག་པའི་དབང་གིས་སྤྱི་ཚོགས་འདི་མཐའ་གཅིག་ཏུ་ངན་ཕྱོགས་སུ་འགྲོ་ནས་འགྲོ་མུས་ཡིན་པ་རེད།
འདིར་ངས་དངོས་ཡོད་གནས་ཚུལ་གང་བྱུང་བའི་སྒྲུང་ཐུང་ཞིག་བཤད་འདོད་བྱུང་། ལོ་འགའ་ཡི་གོང་ནས་རྒྱ་གར་རྡ་རམ་ས་ལར་བཞུགས་མཁན་ངོས་ཀྱི་ངོ་ཤེས་གྲྭ་ལོག་ལོ་ལོན་ཞིག་དང་ལྷན་དུ་སྐྱབས་མགོན་རིན་པོ་ཆེའི་ཕོ་བྲང་ལ་སྐོར་བ་ལ་མཉམ་དུ་སོང་། སྐོར་ལམ་ནང་ནས་ཕན་ཚུན་ཁ་བརྡ་བྱས། ངེད་གཉིས་སྐད་ཆ་མང་པོ་བཤད་པའི་རྒྱུད་རིམ་ཁྲོད་ནས་ཁོང་ནས་འདི་ལྟར་ཟེར།
“ཉིན་རྟག་པར་གཙུག་ལག་ཁང་དུ་སྐོར་བ་ཐེངས་མ་འགའ་ཤས་བརྒྱབ་ཀྱི་ཡོད། འོན་ཀྱང་ངས་སྡིག་པ་མང་པོ་བསགས་ཡོད་པས་སྡིག་པ་འདག་ཐུབ་མིན་མི་ཤེས་ཏེ་དེ་རིང་ཡང་སྐོར་བ་ལ་ཡོང་བ་ཡིན།”
ཅེས་ཟེར། ངས་ཁོ་རང་ལ་ལན་འདི་ལྟར་བཏབས།
“ཁྱོད་རང་གི་སྡིག་པ་ལ་མི་དགེ་བ་ལ་ཉེས་པ་ཆེན་པོ་ཡོད་པ་ཡིད་ཆེས་ཡོད་ན་སྡིག་པ་དེ་ཡི་གཉེན་པོ་གཙུག་ལག་ཁང་དུ་སྐོར་བ་བྱས་པ་ལ་སྡིག་པ་འདག་ནུས་པའི་ཡིད་ཆེས་མེད་པ་གང་འདྲ་བྱས་ནས་བྱུང་བ་རེད།”
ཅེས་དྲིས་དུས་ཁོ་རང་ནས་ཅི་ཡང་ཟེར་གྱི་མི་འདུག དེ་ནས་ངས་ཁོ་རང་ལ་སྐོར་བའི་ཕན་ཡོན་སྐོར་བསྡུས་ཙམ་ཞིག་བཤད་པ་ཡིན་པས་ཁོ་རང་ཧ་ཅང་དགའ་བོ་བྱས་སོང་། གཅིག་བྱས་ན་སོ་སོའི་སྡིག་པ་བསགས་ཚར་དུས་སྡིག་པ་ལ་སྡིག་པར་ངོས་འཛིན་བྱེད་ནས་འགྱོད་པ་སྐྱེས་ན་སྡིག་པ་དེ་ཉིད་ཀྱང་དགེ་བར་འགྱུར་འགྲོ་བས་དེ་ནི་ཧ་ཅང་ཡག་པོ་ཞིག་རེད། འོན་ཀྱང་དགེ་སྡིག་གི་འབྲས་བུའི་ས་བོན་གྱི་ཆ་རྣམས་སེམས་ཀྱི་བག་ཆག་ཐོག་ཏུ་འཇོག་དགོས་སྟབས་དེ་ནི་ཤིན་ཏུ་ལྐོག་གྱུར་གྱི་གནས་ལུགས་ཤིག་ཡིན། གང་ལྟར་ངན་ཕྱོགས་ཀྱི་སྡིག་པ་ལ་དམྱལ་བར་འཕེན་ཐུབ་པའི་ནུས་པ་ཡོད་པའི་ཡིད་ཆེས་ཡོད་ན། དེ་འདག་བྱེད་ཀྱི་གཉེན་པོ་དགེ་བ་ལའང་དག་པའི་ཞིང་དུ་འཕེན་ཐུབ་མཁན་གྱི་ནུས་པ་ཡོད་པར་ངོས་ལེན་བྱེད་མི་ཐུབ་པ་དེ་ངས་གོང་དུ་བཤད་པ་ལྟར་དེང་སང་སྤྱི་ཚོགས་ཁྲོད་དུ་ངན་ཕྱོགས་ལ་ཡིད་ཆེས་ལས་བཟང་ཕྱོགས་ལ་ཡིད་ཆེས་དེ་ཙམ་མེད་ནས་བྱུང་བ་ཞིག་རེད། ཕྱོགས་གཞན་ཞིག་ནས་བཤད་ན་སྡིག་པའི་སྟོབས་ཀྱིས་དམྱལ་བར་སྐྱེ་བ་ལས་སླ་མོ་ཡིན་རྒྱུ་མ་རེད་ལ། དགེ་བའི་སྟོབས་ཀྱིས་ཞིང་ཁམས་སུ་སྐྱེ་བའང་དེ་བས་ལས་སླ་བོ་ཞིག་ཡིན་རྒྱུ་མ་རེད། གང་ལྟར་ང་ཚོ་ག་དུས་ཡིན་ཀྱང་རྟག་པར་དམྱལ་བ་ལ་སྐྱེ་ཆོག་ཆོག་ལྟ་བུ་ངན་པའི་ཕྱོགས་ལ་ཡིད་ཆེས་མང་བ་ཡོད་རེད།
ཡང་ངས་སྒྲུང་ཐུང་ཞིག་བཤད་ཀྱི་ཡིན།
སྔོན་ལོ་ཉིས་སྟོང་ཙམ་གྱི་གོང་ལ་རྒྱ་གར་གྱི་གྲོང་གསེབ་ཅིག་ལ་ཡུན་རིང་པོར་ཆར་པ་མ་བབས་པའི་དབང་གིས་ལོ་ཏོག་དང་འཐུང་ཆུ་སོགས་ལ་དཀའ་ངལ་ཧ་ཅང་ཆེན་པོ་བྱུང་བ་རེད། ཡུལ་མི་རྣམས་ཀྱིས་ཆར་པ་དབབ་པའི་དོན་དུ་ལྷ་གསོལ་ཀླུ་གསོལ་སྨོན་ལམ་སོགས་ཐབས་མང་པོ་བྱས་ཀྱང་ད་དུང་ཆར་པ་མ་བབས་པ་རེད། ཉིན་གཅིག་ལུང་པ་དེར་བྲམ་ཟེའི་ཆོས་ལུགས་ཀྱི་དགོན་པ་ཞིག་ཡོད་པ་རེད། མི་མང་བརྒྱ་ཕྲག་མང་པོ་དེར་སོང་ནས་བྲམ་ཟེའི་ཆོས་ལུགས་ཀྱི་དགེ་རྒན་རྣམས་ལ་ཆར་པ་དབབས་རོགས་ཞེས་ཕུར་ཚུགས་སུ་གསོལ་བ་བཏབས་པ་རེད། བྲམ་ཟེའི་ཆོས་དཔོན་དེས་མི་མང་རྣམས་ལ་འདི་ལྟར་གསུང་པ་རེད།
“བརྩེ་བའི་མི་མང་རྣམས་པ་སང་ཉིན་ང་ཚོ་ཚང་མ་ཀླུ་གནས་སའི་མཚོ་དང་མཚེའུ་རྣམས་སུ་འགྲོ་ནས་བྲམ་ཟེའི་བདེན་ཚིག་དང་སྨོན་ལམ་བྱས་ན་ཏན་ཏན་ཆར་པ་ཤུགས་ཆེན་པོ་འབབས་ཀྱི་རེད། མི་མང་རྣམས་ནས་ཀྱང་ངེས་པར་དུ་ཆར་ཁེབ་དང་ཉི་གདུགས་སོགས་གྲ་སྒྲིག་བྱོས་ནས་ཤོག།”
ཞེས་གསུང་ནས་ཕྱི་ཉིན་ཚང་མ་ཀླུ་གནས་སའི་མཚོ་འགྲམ་དུ་སོང་ནས་ཀླུ་དང་ས་བདག་སོགས་ལ་ཕྲིན་བཅོལ་ཕུལ་བས་སྐད་ཅིག་ཉིད་དུ་ནམ་མཁའ་ནས་སྤྲིན་ནག་འདུས་ནས་ཆར་བབས་པ་རེད། ཉིན་དེར་ཆར་པ་འབབས་ཐུབ་ཀྱི་རེད་དྲན་ནས་ཆར་འགོག་ཉི་གདུགས་ཁུར་ནས་སླེབས་མཁན་བུ་ཆུང་ཆུང་ཞིག་ལས་མ་གཏོགས་མེད་པ་རེད།
ངས་བསམ་ན་དང་པོ་ཆོས་དང་འཇིག་རྟེན་ལས་ཇི་ལྟར་བྱས་ཀྱང་སོ་སོ་ལ་དེ་འགྲུབ་བསམ་པའི་གདེང་ཚོད་དང་ཡིད་ཆེས་ཡོད་དགོས་པ་ནི་ཧ་ཅང་གལ་ཆེན་པོ་རེད་འདུག་བསམ། དང་པོ་ཡིད་ཆེས་དགོས། ཡིད་ཆེས་ཀྱིས་གདེང་ཚོད་འབྱུང་ཞིང་གདེང་ཚོད་ལ་བརྟེན་ནས་དེ་སྒྲུབ་འདོད་ཀྱི་དོན་གཉེར་དང་བརྩོན་འགྲུས་སྐྱེ་བརྩོན་འགྲུས་དེའི་དབང་གིས་མཐར་འབྲས་བུ་འབྱུང་བའོ།།
དེང་སང་མི་མང་པོ་ཞིག་ལ་རང་གིས་རང་ལ་ཡིད་ཆེས་མེད་ཅིང་། ཆོས་དང་འཇིག་རྟེན་གང་བྱས་ཀྱང་དེ་སྒྲུབ་ཐུབ་པའི་སྤོབས་པས་མ་འདང་བ་དང་། གལ་སྲིད་གདེང་ཚོད་དང་སྤོབས་པ་ཅུང་ཟད་རེ་རྙེད་ཀྱང་དོན་མེད་རྣམ་གཡེངས་དང་། སྒྱིད་ལུགས་ལེ་ལོའི་གཡོག་འོག་ཏུ་ཚུད་ནས་བརྩོན་འགྲུས་བྱེད་མ་ཐུབ་པར་ཆོས་དང་འཇིག་རྟེན་གང་ཡིན་ཀྱང་འབྲས་བུ་མཐར་ཕྱིན་པ་ཞིག་སྟོན་རྒྱུ་མེད་པའི་དུས་སྐབས་འདིར་གདེང་ཚོད་དང་སྤོབས་པ་ཧ་གལ་ཆེན་ཡིན་པའི་སྐོར་༢༠༡༩་སྤྱི་ཟླ་༡་ཚེས་༢༢་ཉིན་མོར་འཇམ་དབྱངས་ཆོས་འཁོར་གླིང་ཞོགས་ཐུན་ཚར་མ་ཐག་མཁན་པོ་ཀར་བསྟན་ནས་བྲིས་པ་ལ་༢༠༢༤་སྤྱི་ཟླ་༤་པའི་ཚེས་པ་༡༩་ཉིན་མོར་སྔོན་གྱི་ཉིན་ཐོར་འཕྲི་བསྣན་ཅུང་ཟད་བགྱིས་ནས་བྲིས་པ་དགེ་ལེགས་འཕེལ།།
བཀྲ་ཤིས་བདེ་ལེགས།། སརྦ་མངྒ་ལཾ།།
སྔོན་ལོ་ཉིས་སྟོང་ཙམ་གྱི་གོང་ལ་རྒྱ་གར་གྱི་གྲོང་གསེབ་ཅིག་ལ་ཡུན་རིང་པོར་ཆར་པ་མ་བབས་པའི་དབང་གིས་ལོ་ཏོག་དང་འཐུང་ཆུ་སོགས་ལ་དཀའ་ངལ་ཧ་ཅང་ཆེན་པོ་བྱུང་བ་རེད། ཡུལ་མི་རྣམས་ཀྱིས་ཆར་པ་དབབ་པའི་དོན་དུ་ལྷ་གསོལ་ཀླུ་གསོལ་སྨོན་ལམ་སོགས་ཐབས་མང་པོ་བྱས་ཀྱང་ད་དུང་ཆར་པ་མ་བབས་པ་རེད། ཉིན་གཅིག་ལུང་པ་དེར་བྲམ་ཟེའི་ཆོས་ལུགས་ཀྱི་དགོན་པ་ཞིག་ཡོད་པ་རེད། མི་མང་བརྒྱ་ཕྲག་མང་པོ་དེར་སོང་ནས་བྲམ་ཟེའི་ཆོས་ལུགས་ཀྱི་དགེ་རྒན་རྣམས་ལ་ཆར་པ་དབབས་རོགས་ཞེས་ཕུར་ཚུགས་སུ་གསོལ་བ་བཏབས་པ་རེད། བྲམ་ཟེའི་ཆོས་དཔོན་དེས་མི་མང་རྣམས་ལ་འདི་ལྟར་གསུང་པ་རེད།
“བརྩེ་བའི་མི་མང་རྣམས་པ་སང་ཉིན་ང་ཚོ་ཚང་མ་ཀླུ་གནས་སའི་མཚོ་དང་མཚེའུ་རྣམས་སུ་འགྲོ་ནས་བྲམ་ཟེའི་བདེན་ཚིག་དང་སྨོན་ལམ་བྱས་ན་ཏན་ཏན་ཆར་པ་ཤུགས་ཆེན་པོ་འབབས་ཀྱི་རེད། མི་མང་རྣམས་ནས་ཀྱང་ངེས་པར་དུ་ཆར་ཁེབ་དང་ཉི་གདུགས་སོགས་གྲ་སྒྲིག་བྱོས་ནས་ཤོག།”
ཞེས་གསུང་ནས་ཕྱི་ཉིན་ཚང་མ་ཀླུ་གནས་སའི་མཚོ་འགྲམ་དུ་སོང་ནས་ཀླུ་དང་ས་བདག་སོགས་ལ་ཕྲིན་བཅོལ་ཕུལ་བས་སྐད་ཅིག་ཉིད་དུ་ནམ་མཁའ་ནས་སྤྲིན་ནག་འདུས་ནས་ཆར་བབས་པ་རེད། ཉིན་དེར་ཆར་པ་འབབས་ཐུབ་ཀྱི་རེད་དྲན་ནས་ཆར་འགོག་ཉི་གདུགས་ཁུར་ནས་སླེབས་མཁན་བུ་ཆུང་ཆུང་ཞིག་ལས་མ་གཏོགས་མེད་པ་རེད།
ངས་བསམ་ན་དང་པོ་ཆོས་དང་འཇིག་རྟེན་ལས་ཇི་ལྟར་བྱས་ཀྱང་སོ་སོ་ལ་དེ་འགྲུབ་བསམ་པའི་གདེང་ཚོད་དང་ཡིད་ཆེས་ཡོད་དགོས་པ་ནི་ཧ་ཅང་གལ་ཆེན་པོ་རེད་འདུག་བསམ། དང་པོ་ཡིད་ཆེས་དགོས། ཡིད་ཆེས་ཀྱིས་གདེང་ཚོད་འབྱུང་ཞིང་གདེང་ཚོད་ལ་བརྟེན་ནས་དེ་སྒྲུབ་འདོད་ཀྱི་དོན་གཉེར་དང་བརྩོན་འགྲུས་སྐྱེ་བརྩོན་འགྲུས་དེའི་དབང་གིས་མཐར་འབྲས་བུ་འབྱུང་བའོ།།
དེང་སང་མི་མང་པོ་ཞིག་ལ་རང་གིས་རང་ལ་ཡིད་ཆེས་མེད་ཅིང་། ཆོས་དང་འཇིག་རྟེན་གང་བྱས་ཀྱང་དེ་སྒྲུབ་ཐུབ་པའི་སྤོབས་པས་མ་འདང་བ་དང་། གལ་སྲིད་གདེང་ཚོད་དང་སྤོབས་པ་ཅུང་ཟད་རེ་རྙེད་ཀྱང་དོན་མེད་རྣམ་གཡེངས་དང་། སྒྱིད་ལུགས་ལེ་ལོའི་གཡོག་འོག་ཏུ་ཚུད་ནས་བརྩོན་འགྲུས་བྱེད་མ་ཐུབ་པར་ཆོས་དང་འཇིག་རྟེན་གང་ཡིན་ཀྱང་འབྲས་བུ་མཐར་ཕྱིན་པ་ཞིག་སྟོན་རྒྱུ་མེད་པའི་དུས་སྐབས་འདིར་གདེང་ཚོད་དང་སྤོབས་པ་ཧ་གལ་ཆེན་ཡིན་པའི་སྐོར་༢༠༡༩་སྤྱི་ཟླ་༡་ཚེས་༢༢་ཉིན་མོར་འཇམ་དབྱངས་ཆོས་འཁོར་གླིང་ཞོགས་ཐུན་ཚར་མ་ཐག་མཁན་པོ་ཀར་བསྟན་ནས་བྲིས་པ་ལ་༢༠༢༤་སྤྱི་ཟླ་༤་པའི་ཚེས་པ་༡༩་ཉིན་མོར་སྔོན་གྱི་ཉིན་ཐོར་འཕྲི་བསྣན་ཅུང་ཟད་བགྱིས་ནས་བྲིས་པ་དགེ་ལེགས་འཕེལ།།
བཀྲ་ཤིས་བདེ་ལེགས།། སརྦ་མངྒ་ལཾ།།
