མཛེས་སྡུག་ལྡན་པའི་ཀི་ལི་ཧྥོ་ཉའི་ཡུལ་ལྗོངས། |
དེ་ནས་ཅུང་ཙམ་ངལ་གསོ་དང་གཡས་གཡོན་རྣམས་སུ་སོང་ནས་པར་ལེན་པ་སོགས་བྱས། སྤྱིར་གཏང་བྱས་ན་ཨ་རིའི་ས་ཆ་འདི་གང་དུ་སོང་ཀྱང་འབྲོག་སའི་དབྱིབས་འདྲ་ཧ་ཅང་སྐྱིད་པོ་རེད། མ་ཟད་ང་བསྡད་སའི་ས་ཆ་འདིར་ཧ་ཅང་སྐད་གྲགས་ཆེན་པོ་རེད་འདུག རི་གཤམས་སུ་བཟོ་བཀོད་མཛེས་པའི་ཁང་པ་ཐར་ཐོར་ཡོད་པ་འདི་རྣམས་ཨ་རིའི་འབྱོར་ལྡན་སྐད་གྲགས་ཅན་རྣམས་སྐྱིད་ཉལ་བྱེད་ས་ཡིན་སྐད་འདུག ཉིན་གུང་ཆུ་ཚོད་གསུམ་བར་དུ་བསྡད་ནས་ནས་ནང་དུ་ལོགས།
དབྱིབས་ལེགས་ས་འཛིན་སྤོ་མཐོའི་རྩེ་མོ་རུ།།
འདྲེན་བྱེད་ཟུང་གིས་ཕྱོགས་བཞིར་ཉུལ་བའི་སྐབས།།
བསིལ་རླུང་འགྲོགས་པའི་སྔོ་ལྗངས་གཡུ་ལོ་རྣམས།།
ཡོམ་ཡོམ་དགའ་བའི་གར་ལ་རོལ་བ་འདྲ།།
མཛེས་པའི་སྐྱེ་ཚལ་མེ་ཏོག་ལྗོན་ཤིང་དང་།།
སུས་ཀྱང་མ་བཟོས་རང་བྱུང་བྱ་སྐྱིབ་སོགས།།
གང་དུ་བལྟས་ཀྱང་གནས་འདིའི་ཡོན་ཏན་ནི།།
སུམ་རྩེན་གྲོང་ཁྱེར་ས་ལ་འཕོས་སམ་ཅི།།
No comments:
Post a Comment