![]() |
གསར་འགྱུར་རྒྱངས་སྲིང་བ་རྣམ་རྒྱལ་ཤསྟི། |
མེ་འཁོར་ལ་རི་ལི་དང་། མི་མང་རླངས་འཁོར་ལ་སྦ་སུ། དྲ་རྒྱའི་བརྡར་རྟ་ལ་ལིང་། སྤྱི་ཚེས་ལ་རྟ་རེའུ། དོ་སྣང་ལ་དབྱིངས། རླངས་འཁོར་ལ་མོ་ཊ་སོགས་རེད།
གཞིས་ལུས་རྒྱལ་གཅེས་མི་མང་སེམས་ཤུགས་རི་རྒྱལ་བས་ཆེ་ཞིང་། ལྷག་བསམ་དུང་ཟླ་ལས་དཀར་བའི་བོད་རིགས་སྤུན་ཟླ་རྣམས་ཀྱིས་ཉིན་མཚན་ཀུན་ཏུ་རྣ་བ་བཙན་བྱོལ་བོད་མའི་རླུང་འཕྲིན་ལ་དཀྲོང་ངེར་ཉན་བསྡད་པ་དེ་རྣམས་ཀྱིས་གོ་དཀའ་བའི་ཆོལ་ཁ་གསུམ་གང་གི་ཕྱོགས་སུ་མ་གཏོགས་པའི་བསྲེ་བསླད་ཅན་གྱི་ཚིག་རོའི་ཐལ་རྡུལ་དེ་རྣམས་བཙན་གྱིས་མེས་པོའི་འབྲི་ཞོ་སེར་མོའི་གསེར་ཕོར་ནང་དུ་འཛུལ་ཡོང་བ་འདི་བསམ་ནས་ཉན་འདོད་འདྲ་ཆེར་མ་བྱུང་། ལར་ནི་དེ་སྔོན་ཨེ་ཤ་ཡའི་རླུང་འཕྲིན་ཁང་དང་། ཨ་རིའི་རླུང་འཕྲིན་སོགས་ལ་དེ་རིགས་རྣག་ཐོག་གི་བཙའ་གུ་ལྟར་དུ་ཡིག་ངག་གཉིས་ཆར་ཞུས་ཀྱང་། བཤད་མཁན་ལ་ཆེན་པོར་འོས་པའི་མིང་དང་ཐོབ་སོགས་མེད་པའི་སྟབས་ཀྱིས་དོན་འབྲས་ཆེར་སོན་མེད་པ་འདྲ། ད་ནི་དབང་མེད་དེ་ཁ་མང་། གཡོག་མོ་དེ་ལྟོ་ཆེ་ཞེས་ཁམས་པའི་གཏམ་དཔེ་ལས་མ་འདས་པས་དེ་རིང་གི་ཉིན་ཐོ་ཀུན་གླེང་བལྟས་པའི་འཁང་ར་དེ་མི་འདོད་བཞིན་དུ་བཏང་ནས་ཉལ་སར་སོང་ནས་གཉིད་དུ་ཡུར།
ཁ་སང་ཀ་རྩོམ་གྱི་འཕྲོ།
"ཏཱ་ཐ་གཱ་ཏའི་ཆོས་ཀྱི་སྙིང་པོ་ཡི་ཡང་རྩེ།།
ཐ་མལ་འགྲོ་འདུག་སྤྱོད་ལམ་རྣམ་བཞི་ཡི་སྐབས་སུ།།
ད་ལྟའི་གསལ་རིག་ཤེས་པ་མ་ཡེངས་ཙམ་སྐྱོང་ན།།
ན་འཆི་སྔས་མགོར་སླེབས་ཀྱང་དངངས་སྐྲག་ཞིག་མི་དགོས།།"
"ཏཱ་ཐ་གཱ་ཏའི་ཆོས་ཀྱི་སྙིང་པོ་ཡི་ཡང་རྩེ།།
ཐ་མལ་འགྲོ་འདུག་སྤྱོད་ལམ་རྣམ་བཞི་ཡི་སྐབས་སུ།།
ད་ལྟའི་གསལ་རིག་ཤེས་པ་མ་ཡེངས་ཙམ་སྐྱོང་ན།།
ན་འཆི་སྔས་མགོར་སླེབས་ཀྱང་དངངས་སྐྲག་ཞིག་མི་དགོས།།"
No comments:
Post a Comment