པོར་ལེན་ཌིའི་ལ་སོང་བའི་ཉིན་མོ།

པོར་ལེན་ཌིའི་ཆོས་གྲོགས་རྣམས་དང་ལྷན་དུ།

དེ་རིང་གི་ཉིན་མོ་འདིར་ངོས་ཀྱི་ཆོས་གྲོགས་པདྨ་ཆོས་འཕེལ་དང་བདེ་ཆེན་གཉིས་ནང་དུ་འབྱོར་སོང་།  དེ་ནི་ལོ་ལྟར་རེ་ཞིག་ས་གནས་འདིར་བདེ་ཆེན་ཞིང་སྒྲུབས་འཚོགས་རྒྱུ་ཡོད་པ་དེ་ཡིན། ད་ཐེངས་ཀྱི་བདེ་ཆེན་ཞིང་སྒྲུབ་འདི་ཐེངས་མ་དྲུག་པ་ཡིན། ད་ནང་ཞོགས་པ་ཆུ་ཚོད་ལྔ་པའི་སྐབས་སུ་གསང་ཧོ་སེའི་གནམ་ཐང་དུ་ངོས་ཀྱི་དགེ་ཕྲུག་ཨ་མ་ཀུན་བཟང་དབང་མོ་དང་ཆོས་དབྱིངས་སྒྲོལ་མ་གཉིས་ནས་བསྐྱེལ་མ་བྱས་སོང་།  ཆུ་ཚོད་བཅུ་པའི་སྐབས་སུ་པོར་ལེན་ཌིའི་གནམ་ཐང་དུ་འབྱོར་བྱུང་།  གནམ་ཐང་དུ་ནུབ་བྱང་བོད་རིགས་ཚོགས་པའི་ཚོགས་གཙོ་བདེ་ཆེན་དཔལ་མཚོ་དང་།  ཆོས་གྲོགས་ཚེ་བརྟན་དབང་ཕྱུག་གཉིས་ནས་ངོས་ལ་ཡོངས་སྒུག་བྱས་འདུག  ང་ནི་པོར་ལེན་ཌིའི་བོད་རིགས་རྣམས་ལ་ཆོས་ཕྱོགས་ཀྱི་ཆ་ནས་འབྲེལ་ལམ་ཧ་ཅང་ཆེན་བོ་ཡོད།  ཡུན་རིང་མ་འཕྲད་པའི་ཆོས་གྲོགས་པདྨའི་ནང་མི་དང་ལྷན་དུ་འདི་ལོར་པོར་ལེན་ཌིའི་ནང་དུ་༧གོང་ས་སྐྱབས་མགོན་ཆེན་པོ་མཆོག་ནས་བོད་རིགས་རྣམས་ལ་བཀའ་སློབ་གནང་བའི་བརྙན་འཕྲིན་དུམ་བུ་ཞིག་མཉམ་དུ་མཇལ།  དགོང་ཟས་དང་ཞོར་དུ་པདྨ་ཆོས་འཕེལ་ནས་ཉེ་ཆར་གསར་དུ་ཉོས་པའི་ཀུ་ཤུ་རྟགས་ཅན་གྱི་རྩིས་འཁོར་ལག་ཁྱེར་དེ་བེད་སྦྱོད་གཏང་སྟངས་སྐོར་བསླབ་གནང་སོང་། དེ་རིང་གི་ཉིན་ཐོ་མདོར་བསྡུས་དེ་གཏངས་ནས་ཉལ་སར་སོང་ནས་གཉིད་དུ་ཡུར།