 |
| རྒྱ་མཚོ་བྱིན་རླབས་བྱེད་བཞིནཔ། |
ཆུ་ཚོད་དགུ་པའི་སྐབས་སུ་ཁ་པར་གྱི་ཐིར་སྒྲ་ཞིག་ཡོད་པ་དེ་ནི་ཨ་རིའི་རླུང་འཕྲིན་ཁང་ནས་༼ཆོས་རིགས་ཀྱི་ལེའུ་ཚན་༽ འཛིན་སྐྱོང་བ་ཨ་མ་ཀུན་བཟང་དབང་མོ་རེད་འདུག དེ་ནི་ཉིན་མ་གསུམ་གྱི་སྔོན་ནས་ངོས་ལ་དྲི་བ་གཏང་བའི་བདེ་ཆེན་ཞིང་སྒྲུབ་སྐོར་གྱི་འཕྲོ་དེ་རེད། དེ་ནས་ཨ་མའི་ཐུགས་འདོད་ལྟར་སྐར་མ་སུམ་བཅུ་ཙམ་ལ་བདེ་ཆེན་ཞིང་སྒྲུབས་ཀྱི་ཕན་ཡོན་དང་བརྒྱུད་རིམ། བདེ་བ་ཅན་དུ་སྐྱེ་བའི་རྒྱུ་བཞིའི་འགྲེལ་བཤད་སོགས་བྱས་ནས་ཐུན་ལ་འཇུག ཉིན་གུང་ཟ་མ་སྟབས་བདེ་ཞིག་ལ་རོལ་ནས་ཡང་སྐྱར་ཕྱི་ཐུན་བཟུང་། དགོང་ཟས་ལ་པདྨ་དང་བདེ་ཆེན་གཉིས་ནས་ཤ་དང་ཞོ་གོག་རྡོག་བཙོས་དང་མཉམ་དུ་རྩམ་པ་ཟོས་ནས་ཉིན་ཐོ་འབྲི་བའི་ལས་ལ་ཞུགས། ཅུང་མ་འགོར་བར་ཉལ་སར་སོང་ནས་འཛམ་གླིང་གི་སྒེའུ་ཁུང་ནང་ནས་ལྟ་ཙམ་བྱས་ནས་གཉིད་དུ་ཡུར།
No comments:
Post a Comment