ཉི་ཡོག་ལ་བདེ་ཆེན་ཞིང་སྒྲུབ་འཚོགས་བཞིན་པ། |
མ་ཟད་དེ་རིང་འདིར་འདུས་པའི་མི་གྲངས་བརྒྱ་ལྷག་གི་དགོང་ཟས་གྲ་རྒྱས་པོའི་བཟའ་བཏུང་ཡོངས་རྫོགས་ནུབ་ཟས་ཀྱི་སྦྱིན་བདག་ནི་ངོས་ལ་ཐོག་མཐའ་བར་གསུམ་དུ་སྦྱིན་བདག་གནང་མཁན་དད་ལྡན་བལ་ཡུལ་རྣམ་རྒྱལ་ལགས་ཡིན་པས་ཁོང་གི་གཏོང་ཕོད་ལ་ཡི་རངས་དང་བཅས་ཐུགས་རྗེ་ཆེ་ཞུ།
དེ་རིང་གི་འཚོགས་པ་ནི་གཙོ་བོ་བོད་བསྟན་སྲིད་ཀྱི་ཆེད་དུ་རྒྱལ་གཅེས་དཔའ་བོ་དཔའ་མོ་དྲུག་བཅུ་རེ་གྲངས་ནས་སྐུ་ལུས་མེ་མཆོད་དུ་ཕུལ་བ་དེ་རྣམས་ཀྱི་ཆེད་དུ་ཡིན། གནམ་ཆོས་འོད་ཆོག་ཉིད་དབུར་བཟུང་ནས་མཉམ་དུ་གཏོན་ཅིང་བར་སྐབས་སུ་ངོས་ནས་བདེ་བ་ཅན་དུ་སྐྱེ་བའི་རྒྱུ་བཞིའི་འགྲེལ་བཤད་དང་དགེ་བཅུའི་བླངས་དོར་སོགས་ཆོས་བཤད་ཐུང་ཙམ་བྱས་ནས་ཚོགས་འཁོར་དང་ཆགས་མེད་བདེ་སྨོན་རྒྱས་པ་བསྔོ་བ་དང་སྨོན་ལམ་བཅས་ཀྱིས་དེ་རིང་གི་མཛད་སྒོ་དེ་བཀྲ་ཤིས་བདེ་ལེགས་ཀྱིས་ཡོངས་སུ་གྲོལ།
No comments:
Post a Comment